साहित्य(कबिता, कथा, लेख) NEWS
बेबिलोनको बगैचामा ..मित्र लाल पार्दे “हिमाल “
Published by Hamrosamaj on September 8, 2010
Thank you for your visit, always visit hamrosamaj.net to get uptodate information of our community, (want to submit articles,contribute, advertise?) please contact: hamrosamajnet@gmail.com
बेबिलोनको बगैचामा …………..
मित्र लाल पार्दे ” हिमाल ”
पोल्यान्ड
बेबिलोनको बगैचामा मानवताको लाश पाँए !
बुद्धरुपी मन्दिरभित्र कसाइको बास पाँए !
राम मर्दा बुद्ध रोयो क्राइस्ट मर्दा अल्लाह रोयो
तर आज राम अल्लाह लडाउने त्रास पाँए !
युद्ध होइन बुद्ध भन्दै बाह्र लाश हुँदा पनि
बुद्धको घरै भित्र बुद्धत्वको नाश पाँए !
भाई भाईको लाशै लाशले सगरमाथा चुलिदा पनि
टुलु टुलु हेरिबस्ने रमितेकै मास पाँए !
धेरै पटक लडी लडी लोकतन्त्र लिदा पनि
जनता अझै मालिक होइन नेताकै दास पाँए !
साच्चै अन्याय र अत्याचारको बिरुद्धमा आवाज उठ्छ भने
कति मित्र जुर्मुराउथे मित्रहरुकै आश पाँए !
शान्तीको भीख मागिरहेछ ! ! !
मित्र लाल पार्दे “हिमाल ”
पोल्यान्ड
कस्तो आतंक ,कस्तो हो यो वर्तमान
अत्याचारी दानवहरुका कर्कश स्वरले अजय पहाड पनि
थर थर काँपीरहेछ ।
कौरवहरुको
चक्रव्यूहमा पाण्डवहरु
महासंग्राममा भिडिरहेछन् ।
अन्तर्पीडाको रापले द्रौपदीहरु कोक्काइरहेछन् ।
सञ्जयको आँखाले पनि हेर्न नसक्ने गरी
विभाजनका रेखा कोर्ने अमीन हरुले
निमेश भरमै
मध्य निशामा
प्रेम भाईचाराका गिरी श्रीँखलाहरु चर्काइ रहेछन् ।
बलात्कृत आमाको रोदनमा
आलो रगत तन्काउने
महिशासुरहरु
आमा छट्पटाउदा अट्टहास खित्का छोडिरहेछन् ।
सहयात्रीको निर्दोश रगत तन्काएर
रक्तपीपासुहरु
चरम त्रिप्तीको अनुभूती गरिरहेछन् ।
अनि
आफूलाई समान देखाउन
धर्म निरपेक्षताको नाउँमा नौटंकी नाटक रच्ने
विध्वंशकारी कलाकार जन्मिरहेछन् ।
जन्मगत असहय अहंकारले
कथीत बुज्रुकहरु उपमती खोजिरहेछन् ।
बुद्दत्वलाई तुर्लुङ्याउने यमदूतहरु
सन्नी पातको बिरामीले मेरी आमा छट्पटाउदा रमिते बनिरहेछन् ।
उपचारको निहुमा बूढी आमा बलत्कार गर्ने डक्टरहरु
शीरमा कात्रो बोकेर हिंडेको हेर्न चाहने
कूम्भकर्ण र लम्बकर्णहरु
इथोपिया झै कङाल बनाउने त होइनन् ।
हैटीका घरहरु ढले झै
मेरी आमाका सपनाहरु ढाल्ने त होइनन् !
म डराइरहेछु,
रिनै रिनले सगरमाथा चुलिदा
मेरी बसुन्धरा लीलाम त गर्ने होइनन् !
गिद्द दृष्टि हेर्ने प्यादाहरु
कमिलालाई गुलियो दिए झै फकाइरहेछन् ।
बुद्ध पाषाण मुर्तीमा अंकित्
बलिको बोका झै जनताहरु
अर्बुद रोगको पीडाले लुम्बिनी छट्पटाइरहेछ ।
भिखारी बुढो झै मेरो सगरमाथा
माया प्रेम भाईचारा एकता
र
शान्ती ।।।।। शान्ती ।।।। शान्तीको भीख मागिरहेछ ।
मित्र लाल पार्दे “हिमाल ”
पोल्यान्ड
Related Posts
Install the ratings plugin
96 views
None
आदरणीय पाठक तथा हम्रोसमाज लाइ सधै माया, हौसला दिनु हुने सम्पूर्ण श्रोता तथा दर्शक महानुभावहारू, यहाँ हरुकै इच्छा अनुसार केहि विडियो अन्तर्वार्ताहरु यहाँ संकलन गरिएको छ हेर्न न भुल्नु होला. साथै केहि प्रतिक्रिया भए लेखन समेत आग्रह गर्दछौ.....