समाचारहरु NEWS
मास्कोमा नेपाली राजदूत-दम्पतिको सम्मानमा बिदाई समारोह सम्पन्न गरिने
Published by Hamrosamaj on January 27, 2012
Thank you for your visit, always visit hamrosamaj.net to get uptodate information of our community, (want to submit articles,contribute, advertise?) please contact: hamrosamajnet@gmail.com
मास्कोमा नेपाली राजदूत-दम्पतिको सम्मानमा बिदाई समारोह सम्पन्न गरिने
कृष्णप्रकाश श्रेष्ठ
रूस महासंघका लागि नेपाली राजदूत महामहिम श्री सूर्यकिरण गुरूङ आफ्नो कार्यकाल समाप्त गरी छिटै स्वदेश फर्किन लाग्नुभएको हुँदा गैरआवासीय नेपाली संघ रूस राष्ट्रिय समन्वय परिषद्ले नेपाली राजदूत-दम्पतिको सम्मानमा बिदाई समारोहको आयोजना गर्ने निर्णय लिएको छ ।
गैरआवासीय नेपाली संघ रूसको अग्रसरतामा रूस सीआईएस नेपाल उद्योगवाणिज्य संघ, नेपाली नारी निकुञ्ज, नेपाली छात्रसंघ, विश्व नेपाली साहित्य महासंघ रूस शाखा, नेपाली खेलकूद तथा संस्कृति समाजलगायत रूसमा बसोवास गरिरहेका नेपालीहरूका विभिन्न संघसंस्थाहरूको तत्वावधानमा नेपालीहरूले आउँदो आइतवार ५ फेब्रुअरीका दिन मास्कोस्थित ‘पार्कपैलेस’ रेष्टुराँमा बिदाई समारोहको आयोजना गर्ने निर्णय गरेका छन् ।
श्री सूर्यकिरण गुरुङ सपरिवार सन् २००७ को २६ नभेम्बरका दिन मास्को आइपुग्नुभएको थियो । विगत ४ वर्षको उहाँको मास्को बसाइँकालमा नेपाली राजदूतावासमा सम्पन्न गरिएका विभिन्न कार्यक्रमहरू अर्थात् नेपालका विभिन्न ऐतिहासिक दिनहरूका साथै परम्परागत उत्सवपर्वहरू मनाउँदा र विभिन्न अन्तरक्रिया कार्यक्रम, साहित्यिक एवं वैज्ञानिक सम्मेलन र चित्रकला तथा फोटो प्रदर्शनीहरूको आयोजना गरिंदा त्यहाँ सानो नेपाल नै उपस्थित भएको प्रतीत हुनुका साथै नेपाली र रसियाली मित्रहरूबीच पारस्परिक चिनापर्ची र विचारविमर्श पनि हुने गरेको अहिले मलाई सम्झना भइरहेको छ । रूसमा बसोवास गरिरहेका साहित्यानुरागी नेपालीहरूको समेत अग्रसरतामा नेपालको यात्रा गर्ने प्रथम रूसी विद्वान् इभान मिनाएभको नेपाल भ्रमणको १३० वर्ष तथा उनको १७०-यौं जन्मजयन्ती र महाकवि लक्ष्मीप्रसाद देवकोटाको जन्मशताब्दी मनाउन, नेपालका वरिष्ठ साहित्यकारद्वय डा. ध्रुवचन्द्र गौतम तथा डा. गोविन्दराज भट्टराईलाई ‘जय पृथ्वी – इभान मिनाएभ’ साहित्य-सम्मान प्रदान गर्न राजदूतावासमा आयोजित वैज्ञानिक सम्मेलनहरूका साथै नेपालका ऐतिहासिक फोटोहरू तथा नेपाली कला एवं पौभाचित्र र अन्य प्रदर्शनीहरूबाट धेरै रसियाली मित्रहरू प्रभावित भएको पनि म सम्झन्छु । त्यहाँ प्रदर्शित पौभाचित्रहरूमध्ये नेपाली विदुषी एवं चित्रकलाकार श्रीमती रेणुका गुरुङका सरस्वती तथा लक्ष्मी चित्राङ्कित दुइटा पौभाचित्र उहाँको अनुमतिबाट क्रमशः रूसी कवि भ्लादिमिर सिल्किनरचित नेपालविषयक कविताहरूको संग्रह ‘कामवाण’ एवं महाकवि लक्ष्मीप्रसाद देवकोटाकृत बालकविताहरूको सङ्ग्रह ‘सुनको बिहान’ को गातामा उतार्न पाइएकोमा मलाई गर्वको अनुभव भइरहेको छ ।
महामहिम राजदूत श्री सूर्यकिरण गुरुङको सहयोग तथा सक्रियतामा रूसको राजधानीबाट ९० किलोमिटर टाढा पर्ने कालुगा प्रान्तमा नेपाली तथा रूसी उद्यमीहरूको एक संयुक्त परियोजनाको रूपमा नेपाली वास्तुकलाको अनुपम नमूनास्वरूप निर्मित ‘नेपाली घर’ को शिलान्यास तथा मास्कोमा सम्पन्न भएको छैटौं गैरआवासीय नेपाली क्षेत्रीय सम्मेलनको क्रममा २४ जुलाई २०११ (आइतवार) का दिन संसारका विभिन्न महाद्वीपका २५ देशहरूबाट आएका ४०० भन्दा बढी नेपाली सहभागीहरूका साथै दशौं रसियाली मित्रहरूको समेत समुपस्थिपतिमा त्यसको भव्य उदघाटन समारोह अविस्मरणीय घटना बन्न पुगेको छ ।
अन्तरक्रिया कार्यक्रमसहित बिदाई समारोहको आयोजनासम्बन्धी सूचनामा गैरआवासीय नेपाली संघ रूसका महासचिव डा. एकनारायण चापागाईंले जनाउनुभएझैं ‘आफ्नो कार्यकालमा महामहिम राजदूत श्री सूर्यकिरण गुरुङले हामीलाई अति नै माया र सद्भाव दिनुभएको छ र एक जिम्मेवार नागरिक र राजदूतको हैसियतले कार्यकाल पूरा गर्नुभएकोले हामी सबैको हृदयमा एउटा राम्रो छाप पार्न सफल हुनुभएको छ’ ।
मास्कोको एक महत्वपूर्ण राजमार्ग लेनिन्स्की प्रोस्पेक्टमा अवस्थित ‘पार्कपैलेस’ को जुन रेष्टुराँमा चार वर्षअघि २००७ को १५ डिसम्बर (शनिश्चरवार) का दिन नेपाली राजदूत-दम्पति श्री सूर्यकिरण एवं श्रीमती डली गुरुङको आगमनको उपलक्ष्यमा स्वागत समारोहको आयोजना गरिएको थियो त्यसै रेष्टुराँमा रूसमा बसोवास गरिरहेका नेपालीहरूको तर्फबाट बिदाई समारोह पनि सम्पन्न गरिने भएको छ ।
२७ जनवरी २०१२ (शुक्रवार),
मास्को, रूस महासंघ ।
Related Posts
- सॄजना सांस्कृतिक समुहको उदघाटन समारोह नेपाली दुतावास रियादमा सम्पन्न
- मास्कोमा मेशिन रिडएबल पासपोर्ट हस्तान्तरण समारोह
- मास्कोमा नेपाल गणतन्त्र दिवसको उपलक्ष्यमा समारोह सम्पन्न -कृष्णप्रकाश श्रेष्ठ
- मास्कोमा नयाँ वर्ष २०६८ को उपलक्ष्यमा भव्य समारोह– कृष्णप्रकाश श्रेष्ठ
- मास्कोमा ६१-यौं प्रजातन्त्र दिवसको उपलक्ष्यमा भव्य समारोह- कृष्णप्रकाश श्रेष्ठ
- अन्तराष्ट्रिय नेपाली कविता महोत्सव २०१० को पुरस्कार वितरण समारोह सम्पन्न
- मलेशियामा नेपाली एकता समाजको बिदाई कार्यक्रम सम्पन्न
- २८ औ ए एन एमा नेपाली साहित्य प्रतिष्ठानको उदघाटन समारोह
Install the ratings plugin
261 views
None
आदरणीय पाठक तथा हम्रोसमाज लाइ सधै माया, हौसला दिनु हुने सम्पूर्ण श्रोता तथा दर्शक महानुभावहारू, यहाँ हरुकै इच्छा अनुसार केहि विडियो अन्तर्वार्ताहरु यहाँ संकलन गरिएको छ हेर्न न भुल्नु होला. साथै केहि प्रतिक्रिया भए लेखन समेत आग्रह गर्दछौ.....