साहित्य(कबिता, कथा, लेख) NEWS

Dashain Special Poem by Krishna Prashai

Published by hamrosamaj on September 27, 2011

दशैं —-

कृष्ण प्रसाई

साउने झरीलाई भरखर सुकाएर
शरद्को न्यानो जूनलाई निम्त्याउँदै-
वर्ष दिनको थकाई र सुस्केराहरुलाई
एकै क्षण भएपनि बाहिर ओकलेर-
जमरा र दूबोका सगुनहरुसँगै
विजया सर्वत्र खुलेकी छन् ।

Õ Õ Õ Õ
मुटुभरि माया र आँखाभरि झझल्काहरु समेटेर
भएजति स्नेह जन्मथलोलाई खन्याउँदै
आशीर्वादका सगरमाथा थाम्ने छाती बोकेर-
बाहिर पढ्न निस्केका रामप्रसाद हिजै आएका छन् ।
जागिर भर्न गएका जगन्नाथ पनि भित्रिएका छन् ।
लाहुर लड्न पसेका वीरबहादुर पनि फर्केका छन् ।
पहाडको चौतारी हुनसक्छ-
भित्री मधेश वा तराईको बिसाउनी हुनसक्छ-
जताततै रमाइलोका कथा हािलंदैछन्-
जतासुकै पिङ्का सर्काहरु मच्चिंदैछन् ।
Õ Õ Õ Õ
अस्तिसम्म भिर्ने गरेका-
डोको र ढाकरका खर्पनहरुलाई-
हिजैदेखि बाहिर बिसाएर-
सन्ते र मसिने-
धार्नी र बिसौलीका कुरा गर्छन् ।
झुत्रा-झाम्राको हिजोलाई बिसर्िएर
नयाँ लुगाहरुमा चाचल देखिइँदै
सुन्तली र सानी कान्छी-
चिची र पापाका गफहरु हाल्छन् ।
मोहर र सुकाका रेज्कीहरु गन्छन् ।
Õ Õ Õ Õ
घर-घरमा निधारहरु रंगाउँदै
मोड-मोडमा भीडहरु ओसारेर-
मान्यवरका आशीर्वादहरु खन्याउँदै
पोहोरजस्तै खुसीहरु उमारेर
मेरो दशैं तिमी आएका छौ ।
प्रत्येक नेपालीका घर-घरमा
मेरो पर्व तिमी छाएका छौ
डेढ कोटिका दुःख-सुखमा ।