साहित्य(कबिता, कथा, लेख) NEWS

(कबिता) “एउटा शून्य मन” -आचार्य प्रभा

Published by Hamaosamaj on January 27, 2010

(कबिता) “एउटा शून्य मन” आचार्य प्रभा

एऊटा शून्य मन
मनहरुको शिबिरमा पस्यो
अनि,
आफु नितान्त एक्लिएको
अनुभव पोख्यो
त र ती मनहरुले
उसलाई अर्थात त्यो शून्य मनलाई
उनीहरुको शिबिरमा स्थान नदिने
घोषणा गरे
किन की,
त्यो शून्य मन
मान्छेको छात्तिबाट निस्किएको
मन थियो ,
अनी ती मनहरु
पशुहरुको छात्तिबाट निस्किएका
मनहरु थिए ।
शून्य मनले ती मनहरुलाई
प्रश्न गर्‍यो ,
आखिर किन मलाई तिमीहरुको
साथमा राख्दैनौ ?
ती मनहरुले एकै साथ भने
किन की तिमी
मान्छेको छात्तिबाट निस्किएको मन हौ
हामी निरीह पशुहरुका छात्तिभित्रका
मनहरु हौं ।
अब तिमी नै भन
तिमी पनि मान्छेको छात्तिबाट
निस्कियौ भने झन मान्छेको
नियत,सोंच के होला ?
त्यसैले हाम्रो अपिल
तिमी फर्क,जाउ
बरु हाम्रो जस्तो रूप लिएर जाउ
अनी सिकाउ मान्छेहरुलाई
कोमलता,मनुष्यता र
सर्वश्रेष्ट प्राणीको कर्तब्य।।।।।।।।।।।।।।।/

(रचना २०५६ /९ /२८ रङमन्चमा प्रकाशित )