साहित्य(कबिता, कथा, लेख) NEWS
चलाऊँ देश बचाऊ अभियान -ताराश्वर शर्मा (करुण)
Published by Hamaosamaj on January 28, 2010
Thank you for your visit, always visit hamrosamaj.net to get uptodate information of our community, (want to submit articles,contribute, advertise?) please contact: hamrosamajnet@gmail.com
चलाऊँ देश बचाऊ अभियान -ताराश्वर शर्मा (करुण)
पूर्खाले एकिकरण गरिदिएको नेपाल
टुक्राउदैछन् संघीयताको नामले
विविध अनेकतामा एकता बोकेको हाम्रो सस्कृतिलाई
शदियौं देखिको जातीय सद्भावलाई
खलबलाउदै छन् जातिय संघीयताको नामले
१०३ जाती र ९२ भाषाभाषी भएको,
बताउछ सरकारी तथ्याङ्कले
कति टुक्रा पार्ने नेपाललाई?
राज्य सञ्चालनका आधार के?
जानाकारी गराइएन हामीलाई।
एकै सरकारका कर्मचारीलाई तलब खुवाउनलाई,
अहिले नेपाल सरकारले
विश्वभरी हात फैलाउछ, भिख माग्छ,
शिर झुकाउछ, आर्थिक अभावले
धेरै सरकारका कर्मचारीहरु
जो अलग-अलग हुनेछन्
केन्द्र र प्रान्तहरुमा
कहाँबाट तलब दिनेछन्, ती राजनेताहरुले?
क्षुद्र योजना पनि पूरा गर्न सक्दैन
भरपुर शक्ति खर्चिदा पनि हाम्रो सरकारले
कसरी सम्भव गराउँछ देशको समग्र विकाश
त्यो पूर्ण रुपमा विभाजित संघीयताले?
किन?,
जातीय संघीयताका नारा दिन्छन् त्यहाँ
नयाँ नेपालका कुरा गर्छन् यहाँ।
ती माक्सबादका डिग्रीहोल्डरहरुले
द्वन्दबादी विश्लेशकहरुले
अब्बल दर्जाका क्रान्तिकारीहरुले !
मात्र सत्तामा पुग्नको लागी
अनि,
सत्तिय कुर्चीको लागी
आफ्ना नाता-पाता भाइ भतिजालाई
सरकारी जागीर खुवाउनको लागी
केन्द्रको राजा बन्न नसके पनि
प्रान्तको संराट बन्नको लागी
भुरे-टुकुरे, वाइसे-चौबिसे
राज्यमा नेपाल फर्काउनको लागी।
मतलब छैन यी नेतालाई
आफ्नो आमाको अस्थित्वको,
आफ्नै सन्ततीको भविश्यको
थाहा छैन यिनलाई
संघीय रुपि गोगनले
कसरी खानेछ हाम्रो देश नेपाललाई
एक केन्द्र सरकार अनि
प्रान्तिय सरकार, संसद, अदालत त्यस्तै रुपले
विभाजित गराउदैछन् सार्वभौम सत्ता
कमजोर बनाउदै राष्ट्रिय आत्मबल
यो संघीयताको नामले।
केन्द्रको आदेश अस्वीकार गर्न सक्छ
कुनै प्रान्तको बहुमतले।
दाउपेज चल्न सक्छ
प्रान्तहरु बिच अति उग्ररुपले।
सिमा, प्राकृतिक सम्पदा, भौतिक पूर्वाधार
र आर्थक उत्पादनको कारणले
कसरी हुन सक्छ देशको समानुपातिक बिकास !
कसरी लागु हुन्छ केन्द्रिय नीति?
कसरी भन्न सक्छौ र तिमी
समानुपातिक अधिकार दिन्छ र, यो संघीयताले?
षडेन्त्र हुदैछ पहाडीलाई हटाउने मधेशबाट
त्यो क्षेत्रिय संघीयताको नामले
तमुवान, खुम्बुवान, थारुहट, मगरातमा
लडाईदैछ जनजातीलाई आफू-आफूमा
त्यही जातिय संघीयताको नामले !
आत्मनिर्णको अधिकिर नहुँदा
राष्टिय त्रिकोणित झण्डा पोल्नेहरुले
आत्मअधिकार सहितको मधेश दिएमा
नेपाली नै भै दिन्छन् रे !
बोलिदैछ खुल्ला मञ्चबाट
उनीहरुले भनेको नभए नेपाल नै नरहने रे !
आएको छ यो संघीयता बिकी डलरमा
बिस्तारबादी कुटिल चालले
आएन कहिल्यै संघीयताको माग
०७, ०३६, ०४६, ०६२/६३ कहिल्यै पनि
मागेका होइनन् संघीयता नेपाली जनताले
संघीयता हामीलाई आवश्यक छ भनि।
त्यसैले,
आउ नेपाली, सबै मिलौं बचाऊँ हाम्रो देश
कलम चलाऊँ, दिमाग खियाऊँ, रगत बगाऊँ
बचाउन हाम्रो प्यारो देश।
देश हाम्रो मुटु हो, देश हाम्रो आत्मा,
देश हो हाम्रो पहिचान।
जुटौ सारा सचेत-शिक्षित युवा
चलाऊँ देश बचाऊ अभियान।
जुटौ सारा सचेत-शिक्षित युवा
चलाऊँ देश बचाऊ अभियान।।
Interviews taken by hamrosamaj.net हम्रोसमाज.नेट का केहि अन्तर्वार्ता हरु हेर्न तल थिच्नुहोला
Related Posts
- बीरता सम्मान तथा सम्झना अभियान घोषणा गर्दै ऐतिहाँसिक गीतको प्रिमियर सम्पन्न
- घर जलेको बेला अरुले निभाइदिने आश गर्नु हुँदैन- हेमन्त शर्मा
- नेपाली राजदुत महामहिम डा. शंकर प्रसाद शर्मा सान फ्रान्सिस्कोमा
- पशुपती फाउन्डेशनद्वारा राजदुत डा. शर्मा सम्मानित
- कोपेनहेगनमा हिमाल बचाउ अभियान
- विश्व वैंकको तस्वीर प्रदर्शनीमा नेपाली राजदूत डा. शर्मा
- बे एरियामा धर्म गुरु जगदाचार्य (नेपाली बाबा) श्री पन्डित तेज नाथ शर्मा ज्यु
- नेपलीज सोर्साईटीको न्यूयोर्कमा सडक सफाई अभियान
Install the ratings plugin
71 views
One
Kalpana on Sat, 30th Jan 2010 4:34 AM
Very nice poem Karun jee. Awashya sachet nagarik Desh bachau abhiyan maa sakriya hunai parchha. Well done and keep it up.