समाचारहरु NEWS

पशुपती फाउन्डेशनद्वारा राजदुत डा. शर्मा सम्मानित

Published by Hamaosamaj on March 7, 2010

पशुपती फाउन्डेशन -यू एस एद्वारा राजदुत डा. शर्मा सम्मानित

६ मार्च, २०१०

गोकुल ढकाल

लस एन्जलस –अमेरिकाका लागि नवनियुक्त नेपाली राजदुत महामहिम डा. शंकर प्रसाद शर्मालाई क्यालिफोर्निया राज्यको लस एन्जलस स्थित श्री पशुपती पशुपती फाउन्डेशन, यू एस ए ले सम्मान तथा अन्तर्क्रिया कार्यक्रम सम्पन्न गरेको छ ।

क्यालिफोर्निया राज्यमा आयोजित बिभिन्न कार्यक्रममा सहभागी हुन आउनुभएका महामहिम राजदुत डा. शर्मालाई सात समुन्द्र पारीको देश अमेरिकामा पशुपती मन्दिर, बुद्ध स्तुप, सामुदायिक भवन निर्माणको दश बर्शे योजना लिएर स्थापित श्री पशुपति फाउन्डेशन, यू एस ए ले आज सम्मान कर्यक्रमको आयोजना गरेको हो ।

फाउन्डेशनका कोशाध्यक्ष पुन्नाखर “ॠशी” ढकालको एल मोन्टे स्थित निवासमा सम्पन्न उक्त कार्यक्रममा बोल्दै राजदुत डा. शर्माले मन्दिर निर्माण लगायतका सामुदायिक बिकास निर्माणका यस्ता कार्यमा दुतावासले यथासक्य सहयोग गर्ने आश्वाशन दिलाउनुभयो ।

फाउन्डेशनका अध्यक्ष भक्त थापाको सभापतित्वमा सम्पन्न उक्त कार्यक्रममा ए एन एस, क्यालिफोर्नियाका संस्थापक अध्यक्ष बेदभक्त जोशी, इन्जिनीयर कन्हैया कायस्थ, फाउन्डेशनका कोशाध्यक्ष पुन्नाखर “ॠशि” ढकाल, उपाध्यक्ष शिव अधिकारि, गोकुल पौडेल र महासचिब प्रेम गुरागाइंले संस्थाको बारेमा प्रकाश पार्नु भएको थियो ।

यसैबिच राजदुत डा. शर्मा फ्रेन्ड्स अफ नेपाल, लस एन्जलसद्दारा आयोजित प्रख्यात कलाकार मनोज गजुरेलको हास्य कार्यक्रममा प्रमुख अतिथीको रुपमा सरिक हुनुभयो ।

संस्थाका सभापति डा. शम्भु ढुंगानाको सभापतित्वमा सम्पन्न गजुरेलको एकल हास्य कार्यक्रममा उनले समसामयिक राजनीति र जनचेतनाका बिषयहरुलाई हास्यात्माक खुंराकको पाराले प्रस्तुत गरेका थिए ।